Friday, October 06, 2006

ငယ်ငယ်တုန်းက


၁တန်းမှာ ကျောင်းကားပျောက်ဖူးတယ်..

အမေက ကျောင်းလိုက်မပို့နိုင်လို့ ကျောင်းကားထားပေးတယ်.. ပေါင်မုန့်ကားအပြာလေး..
အဲ့ဒီ့ကားက ၂စီးရှိတယ်.. (ပြောပြရမယ်.. ကျနော်လူမှတ်တာ သိပ်ညံ့တာ.. အရင်ကရီးစားတောင်ဘယ်ပုံလဲ မသိတော့ဘူး.. သူများတွေ မျက်စိမှိတ်ရင် ပုံပေါ်တယ်..ကျနော်က ကြိုက်တုန်းကတောင် ပုံမပေါ်ဘူး.. စိတ်လေတယ်.. ရုပ်ကြည့်ကြိုက်တာမှ မဟုတ်တာလို့ စိတ်ထဲထားလိုက်ပါတယ်.. )

ကား၂စီးမှာ ဘယ်ကားက မြို့ထဲဆင်းလဲ ကျနော်မသိ.. လာခေါ်တော့ အဆင်ပြေတယ်.. အပြန်မှာ ကျနော် လူတစ်ယောက်ကိုမှတ်ထားတယ်... သူ့ ကျောပိုးအိတ်နဲ့ ခြင်းထောင်းနဲ့..(သူက အဆဲတော်လို့ ကျနော်မှတ်မိတယ်.. အဲ့ဒီ့တုန်းက အားကျဖူးတယ်.. တော်တော်ဆဲနိုင်တာ) အဲ့ဒါနဲ့ အဆင်ပြေနေတုန်းဘဲ..

အဲ့ဒီ့နေ့က သူကျောင်းမတက်ဘူး.. ကျောင်းက ၂စီးကလည်း အဝေးကြီးမှာရပ်တယ်.. ကျနော်ကလည်း ရှက်လို့ ကားဆရာကိုမမေးရဲဘူး.. ကား၂စီးကြားထဲ ဟိုသွားဒီသွားနဲ့.. နောက်တော့ ၂စီးလုံးဘယ်တုန်းကပျောက်သွားမှန်းမသိဘူး.. ကျနော်က သိတဲ့သူများရှိမလားလို့ရှာနေတာ.. နောက် အကြီးတန်းတွေက နောက်မှဆင်းတော့ ကျနော်ရှာရင်းနဲ့ပျောက်သွားတယ်..

ကျနော်ဆိုငိုမဲငိုမဲ့နဲ့ပေါ့.. အငယ်တန်းက ၄နာရီခွဲကတည်းကဆင်းတာ.. ကျနော် ၅နာရီခွဲလောက်ဆို တော်တော်စိတ်ဓါတ်ကျနေပြီ.. ကားတွေလည်းရှင်းနေပြီ.. ကျနော်လည်းငိုချင်နေပြီ..

အဲ့ဒီ့မှာ မော်တော်ပီကယ်..(အဲ့ဒီ့တစ်ယောက် က ကျနော် ၈တန်း ၁၀တန်းလောက်အထိတွေ့တယ်..) ဦးလေးကြီး အရမ်းသဘောကောင်းတယ်.. ကျနော့်ကို လိပ်စာမေးပြီး လေးဘီးပေါ်တင်ပေးလိုက်တယ်..
ကျနော် အဲ့ဒီ့ မော်တော်ပီကယ်ကို သိပ်ချစ်မိတယ်.. ကျနော်က သူကူညီတာကိုမှတ်မိတာကိုး... နောက်တော့မှ သိတယ်.. အမေက လေးဘီးဆရာကို ပိုက်ဆံပေးရတယ်တဲ့.. ကျနော်က မော်တော်ပီကယ်ပို့ခိုင်းလို့ အလကား ပို့ပေးတယ်မှတ်နေတာ... ဒါလည်းမဆိုးပါဘူး.. နောက်တော့ ကိုယ်တိုင်ဘက်စ်ကားစီးတတ်သွားတယ်.. ၂တန်းဆို ကိုယ့်ကိုယ်သွားပြန်လုပ်တယ်.. စာအုပ်တော်တော်လေးတယ်.. (ကျောင်းဖတ်စာအုပ် ၂စုံရှိရင် အလေးကြီးသယ်သွားသယ်လာ မလုပ်ရတော့ဘူး.. )

(ကလေးကို တက်ဆီငှားတတ်အောင်ငယ်ငယ်တည်းက သင်ပေးကြပါ..ငှားပြီးရင် အိမ်ကို ကားနံပါတ်နဲ့ဖုန်းဆက်အကြောင်းကြားတတ်အောင်ပါ သင်ပေးကြပေါ့..)

0 Comments:

Post a Comment

<< Home