အရောင်၏အယောင်

ကျနော်တွေ့ခဲ့တဲ့ အရောင်က အယောင်သာဖြစ်ပါသည်...

သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. ကျနော့်တွင်ကြိုက်သောအရောင်မရှိပါ.. ထို့ကြောင့် ကျနော်သည် အဖြူရောင် ကြိုက်သွားပါသည်..
ကျနော့်တွင် တစ်စုံတစ်ခုကို ကြိုက်နိုင်သော ရင်ဘတ် မရှိဟု ငယ်ငယ်ကတည်းက ယုံကြည်ခဲ့ပါသည်.. ထိုသို့ယုံကြည်သည့်အတိုင်းလည်း မကြိုက်ခဲ့ပါ.. ကျနော်အခုအဖြူရောင်ကို ကြိုက်သွားပါသည်..

သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. ကျနော်သည်စာကျေသူတစ်ဦးဖြစ်သည်.. နယူတန်က အဖြူရောင်တွင် သက်တံ့ရောင်များပေါင်းစပ်နေကြောင်း သက်သေပြခဲ့သည်.. ကျနော်သည်ဆရာမ စာသင်တုန်းက နယူတန်၏ သီအိုရီအားလုံးကို မေးခွန်းထုတ် သံသယ၀င်ခဲ့သော်လည်း.. အဖြူရောင်တွင် သက်တံရောင်စုံပါရှိသည်ကိုသံသယ မ၀င်ခဲ့ပါ.. သူမသည်အရောင်အားလုံးကို အစားထိုးနိုင်သူဖြစ်သည်.. ကျနော့်အတွက် အရောင်အားလုံးကို ကိုယ်စားပြုလေသည်.. ကျနော်အဖြူရောင်ကို ချစ်ပါသည်..

သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. အဖြူရောင်သည် မာနကြီးပါသည်.. ကျနော်သည် အဖြူကိုချစ်ခဲ့မိပါသည်.. သူ့၏မာနကိုချစ်ခဲ့မိပါသည်.. အဖြူ၏မာနသည် မည်သည့်အရောင်နှင့်မျှ မရောနှောခြင်းပင်ဖြစ်ပါသည်.. သူသည် ပြီးပြည့်စုံသောအရာဖြစ်ပြီး ကျနော်သည် အရာရာလိုအပ်နေသူတစ်ဦးဖြစ်သည်.. အဖြူ၏ ပြီးပြည့်စုံမှုကိုလိုအပ်နေသူတစ်ဦးဖြစ်သည်.. ကျနော်သည် အဖြူရောင်၏မာနရှေ့တွင်ဒူထောက်ခဲ့ရသူတစ်ဦးဖြစ်သည်...

သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. အဖြူရောင်သည် စိတ်ကူယဉ်မှုဖြစ်ပါသည်.. လူတစ်ယောက်ကိုပြာဝေစေပါသည်.. ကျနော်သည် အဖြူရောင်ကိုချစ်ပါသည်.. ထို့ကြောင့်ပြာဝေခဲ့ပါသည်.. သူငယ်ချင်းတစ်ယောက်၏ အမေးကို ကျနော်မှတ်မိပါသေးသည်.. သို့ရာတွင်ပြာဝေနေသောကျနော်သည် အမှားများကိုသာပြုခဲ့မိပါသည်.. ထိုအမှားမှာ အဖြူရောင်ကိုကိုးကွယ်မိခြင်းသာဖြစ်ပါသည်...

သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. ကျနော်သည် အဖြူရောင်ကိုအထင်ကြီးပါသည်.. အဖြူရောင်သည် လှပပါသည်.. အဖြူရောင်သည် မြင့်မြတ်ပါသည်.. ကျနော်ကိုးကွယ်ပါသည်.. ထိုသို့ မြင့်မြတ်သော ကိုးကွယ်ရသော အရာသည် ကျွန်တော်နှင့်မတန်ဟု သိလိုက်ရသောအခါ ကျနော်ငိုမိပါသည်.. မတန်သည့်အတွက်မဟုတ်ပါ.. မတန်မရာလုပ်ခဲ့မိသည့်အတွက်ဖြစ်ပါသည်... သူမသည် အဖြူရောင်ဖြစ်ပါသည်.. သူမသည် အဖြူရောင်ကိုကြိုက်သည်ဟုဆိုခဲ့ပါသည်.. အဖြူေ၇ာင်သည် တစ်ယောက်တည်းမနေနိုင်ပါ.. သူမ၏ဖြစ်တည်မှုတွင် အခြားတစ်စုံတစ်ခုပါမှသာ သူမကိုတည်ရှိစေမည်ဖြစ်သည်.. ကျနော်မှားသွားသည်..

ကျနော်သည်အဖြူကိုချစ်သောကြောင့်ကျနော်ကိုယ်တိုင်အဖြူနီးပါးဖြစ်လာသောအခါ ကျနော်သည် ပျောက်ဆုံးသွားလေသည်.. အဖြူရောင်သည် အရောင်များကိုထိန်းချုပ်နိုင်သော ပန်းချီဆရာလက်တွင်သာ တည်ရှိနိုင်မည်ကိုကျနော်မေ့သွားပါသည်..

အဖြူရောင်သည် ကျနော်နှင့်မတန်ပါ.. ကျနော်သည် အဖြူရောင်မိန်းကလေးကိုချစ်ခဲ့မိပါသည်.. ကိုးကွယ်ခဲ့ပါသည်.. သို့ရာတွင် ကျနော်သည် အရာရာရှုံးခြင်းဖြင့်သာ အဆုံးသတ်ခဲ့ပါသည်..

အဖြူရောင်သည် ကျနော်နှင့်မတန်ပါ.. ကျနော်သည် အဖြူရောင်မိန်းကလေးကိုချစ်ခဲ့မိပါသည်..
တန်ဖိုးထားခဲ့ပါသည်.. သို့ရာတွင် ကျနော်သည် ရာဖြတ်မှားသော ဘဏ်ကဲ့သို့ အပေါင်ဆုံးကိုလေလံတင်ရန် ပင် ပြန်လည်ကြောက်ရွံ့ နေပါသည်...

အဖြူရောင်သည် ကျနော်နှင့်မတန်ပါ.. ကျနော်သည် အဖြူရောင်မိန်းကလေးကိုချစ်ခဲ့မိပါသည်..
မြတ်နိုးခဲ့ပါသည်.. သို့ရာတွင် ကျနော်သည် စိုင်းထီးဆိုင် သီချင်းကို နားထောင်နေခဲ့ပါသည်.. မေမြို့မှာ မိုးခေါင်သံကြားဖူးသည်. ဖြစ်ပါသည်.. သီချင်းကို ငယ်ငယ်က နားမလည်ခဲ့သော်လည်း အခုနားလည်နေပါပြီ.. အဖြူရောင်ပြောခဲ့တဲ့ မင်းကိုဘယ်တုန်းကမှ မချစ်ခဲ့ဘူးဆိုတာ ကိုပြန်ကြားနေပါသည်..

အဆုံးသတ်မှာတော့ ကျနော်သည် ကျနော်နှင့်မတန်သော အဖြူရောင်ကိုချစ်ခဲ့မိပါသည်....ဟူသော သမိုင်းသာကျန်ရစ်ပါသည်.. သို့သော်ကျနော်သည် အဖြူရောင်ကို မမုန်းပါ.. ချစ်သောအရာကိုမုန်းရခြင်းသည် ဒုက္ခဖြစ်ကြောင်း ကျနော်ထပ်ဖြည့်လိုပါသည်..